PEPPERMENT-CRISP KARAMELTERT
Die tert is vir diegene wat glo hulle kan nie bak nie. Dit is vreeslik maklik en
vinnig om voor te berei en vind altyd groot byval.
1 x 380 g blik karamelkondensmelk
50 ml suurlemoensap
2 x 125 ml-sakkies Orley Whip
2 x 50 g-stafies pepermentsjokolade, gerasper
1 x 200 g-pakkie Tennis-beskuitjies
Meng karamelkondensmelk en suurlemoensap goed saam. Klits die Orley
Whip tot styf en vou in die kondensmelkmengsel in. Smeer 'n langwerpige glasbak
20 x 30 x 5 cm, of bespuit dit met kleefwerende middel. Pak 'n laag beskuitjies
op die boom van die bak en smeer 'n laag konden smelkmengsel eweredig oor.
Sprinkel gerasperde pepermentsjokolade oor. Herhaal die lae totdat die
beskuitjies en kondensmelkmengsel op is, eindig met 'n laag gerasperde
pepermentsjokolade.
Plaas die tert in die koelkas.
PYNAPPEL CREMORA TERT
500g Cremora melkpoeier
250ml kookwater
2x397g kondensmelk (verkoel)
250ml suurlemoensap
12 Tennisbeskuitjies
410g fyngemaakte pynappels
Los die melkpoeier in die kookwater op en verkoel vir 1 uur in die
yskas. Roer die kondensmelk by en klits tot styf. Klits die suurlemoensap
geleidelik by en roer die fyn pynappel deur. Pak beskuitjies in ‘n plat
reghoekige tertbord en giet die mengsel bo-oor. Plaas in die yskas tot stewig
en versier met room indien verkies.
Lewer 1 groot tert.
AARBEIROOM
500g aarbeie
200ml strooisuiker
20ml gelatien
50ml water
2 eierwitte
400ml room (geklits)
geklitste room en aarbeie vir versiering
Sny aarbeie skoon, was en sny in skywe. Strooi strooisuiker oor en laat
30 minute staan sodat sappe kan
trek. Puree in vermenger tot glad en giet in bak. Maak gelatien in water sag,
los oor lae hitte op en roer oor aarbeipuree in. Hou eenkant totdat dit begin
verdik. Klits eierwitte styf met ‘n knippie sout en vou in saam met room. Giet
in vorm en verkoel tot gestol. Keer uit vorm en versier met ekstra geklitste
room en aarbeie.
Lewer 8-10 porsies.
BEVRORE TUTTI-FRUTTI
125 ml okkerneute, gekap
410-g-blikkie peerhelftes, gedreineer
50 g glanskersies, gekap
125 g dadels, gekap
12 malvalekkers, gekap
250 g geroomde maaskaas
25 ml strooisuiker
250 ml room, styf geklop
Meng neute, pere, kersies, dadels en
malvalekkers. Verroom maaskaas en suiker. Voeg vrugte by. Vou room in. Giet in
vorm, en bevries tot gestol. Haal uit vorm en versier soos verkies.
VESELPERSKE-GENOT
6-8 veselperskes (mango’s)
1 groot blik lietsjies
4-6 geel taaipitperskes
1 klein papaja
50ml suiker
100ml jenewer of vars lemoensap
Skil die veselperskes en sny vleis in dun skyfies en plaas in groot
bak, maar hou die vleis van 2 veselperskes eenkant. Dreineer die lietsjies en
voeg by die veselperskes. Skil en ontpit die papaja en sny in skywe. Voeg by
veselperskes en lietsjies. Plaas die vleis van die 2 veselperskes, 100ml van
die lietjsiestroop, suiker, jenewer en 2 skywe papaja in versapper of
voedselverwerker en verpulp. Gooi oor die vrugtemengsel en verkoel oornag.
Bedien met roomys.
PYNAPPELKAASKOEK
6 volkoring beskuitjies
25ml water
10ml margarien gesmelt
37.5ml gelatien
125ml water
250ml ingemaakte pynappelstukkies
180ml gedreineerde pynappelsap
375ml gladde maaskaas (voeg water by indien nodig)
170ml ricottakaas
1 eier, geskei
60ml ongegeurde jogurt
25ml suurlemoensap
120ml suiker
5ml vanielje geursel
1ml sout
Meng beskuitjies, water en margarien. Sprinkel op bodem van pan. Week
gelatien in water. Dreineer pynappel en hou sap. Kook pynappelsap. Verwyder van
hitte. Roer gelatien by tot opgelos. Klits eiergele by maaskaas en ricottakaas.
Roer alle bestanddele, behalwe eierwit, by maaskaasmengsel. Verkoel vir 1 uur.
Klits die eierwitte tot sagtepuntstadium. Vou in by die maaskaasmengsel.
Skep oor kors en versier met pynappelstukkies. Verkoel oornag.
WYNJELLIE MET KERSIES
25ml gelatien
125ml koue water
750ml droë witwyn
125ml suiker
65ml Grand Marnier
stukkie pypkaneel
2x5cn-repies elk suurlemoen en lemoenskil
6 heel naeltjies
400g bottel Morellokersies, gedreineer, ontpit
Sprinkel die gelatien oor koue water en laat staan om te versag. Meng
wyn, suiker, Grand Marnier, skil, kaneel en naeltjies in ‘n kastrol vir 5
minute. Roer gelatien in tot opgelos. Suig deur in ‘n bak en laat afkoel. As mengsel
stroperig word, roer die kersies in. Spoel ‘n 1.2lt vorm met koue water uit.
Gooi mengsel in en verkoel tot gestol. Keer uit op ‘n opdienbord. Bedien met
koue vla of roomys.
Lewer 6 porsies.
JOODSE KAASKOEK
Kors:
¾ pakkie Marie beskuitjies, verkrummel
125g margarien, gesmelt
15ml suiker
Vulsel:
2x250g fyn maaskaas
125ml room
3 ekstra-groot eiers
200ml suiker
5ml vanielje geursel
Voorverhit die oond tot 180C. Meng beskuitjiekrummels, margarien en
suiker. Druk dit met die agterkant van ‘n metaallepel vas teen die wand en boom
van ‘n oondvaste tertbord met ‘n volume van 1 liter. Meng die maaskaas, room,
eiers, suiker en vanieljegeursel saam. Gooi dit in die krummelkors. Plaas in
die oond en bak die kaaskoek vir 15 minute. Verlaag die temperatuur tot 150C.
en bak dan vir nog ‘n verdere 15 minute. Skakel die oond af, laat die oonddeur
op ‘n skrefie oop en laat die kaaskoek in die oond afkoel. Plaas dit daaran in
die koelkas om goed koud te word.
AARBEI KAASKOEK
KORS:
200g Tennisbeskuitjies, gekrummel
125g botter
VULSEL:
2x397g kondensmelk
2x250g gladde maaskaas
125ml suurlemoensap
vars aarbeie vir bo-op
Smelt botter en roer beskuitjiekrummels by. Druk vas op die bodem van
‘n losboom koekpan, 20 cm in deursnee. Klits al die bestanddele van die vulsel
saam. Giet in kors en bak 15 minute lank by 180C. Laat behoorlik afkoel voordat
dit uit die pangehaal word. Verkoel in yskas. Sny aarbeie in skyfies en pak
bo-op tert.
PIESANG SAGO POEDING
2 eetlepels sago
1 eetlepel botter
2 koppies melk
2 eetlepels suiker
2 eiers, wit en geel apart
500ml fyn piesangs